Emiliano Martínez ka rrëfyer se ishte e vështirë të rikthehej në tokë pas triumfit me Argjentinën në Botërorin e Katarit, më 18 dhjetor.
Portieri i Aston Villa ishte një nga të fundit që u rikthye në klub, së bashku me Messin. Ai theksoi se rikthimi në normalitet ishte i vështirë.
“Unë nuk pi alkool, madje as pije të gazuara. Kur u ktheva në Angli, flija 14 ose 15 orë në natë, kur normalisht më duhen vetëm 7 ose 8 orë. Mund ta kuptoni sa adrenalinë kisha krijuar dhe sa e vështirë ishte të kthehesha.
Por unë e dua këtë klub (Aston Villa), doja të isha këtu sa më shpejt që të ishte e mundur, kur mbërrita, isha i fokusuar, pasi kisha festuar në vendin tim. Klubi më dha gjithçka.”
Lexo edhe:
- Futbollisti i parë shqiptar në radhët e Zvicrës, rrëfimi i Ramës: Edhe unë do e bëja shqiponjën
- FOTO/ Numëron vetëm 8 paraqitje këtë sezon, Arsenal rinovon me mesfushorin
- Ngec rinovimi me Realin, ofertë 120 milionë euro nga Arabia Saudite për Benzema!
- Barça-Gate, klubet e La Liga-s kërkojnë shpjegime
Duke folur për karrierën e tij, Martinez shtoi:
“Kam ardhur në Angli shumë i ri, në një nga klubet më të mira në vend (tek Arsenali, 17 vjeç) për të pasur një karrierë të suksesshme dhe për t’u përpjekur të qenë portieri më i mirë në Argjentinë, numri 1, ky ishte qëllimi im, por kurrë nuk kam ëndërruar triumfin në Kupën e Botës.
Por unë ia dola, luajta me më të mirin e historisë (Messin), askush tjetër nuk e ka bërë atë që ka arritur ai. Kisha disa pengesa gjatë karrierës sime, por isha mjaftueshëm i fortë për t’i kapërcyer.”
