I lumtur për kualifikimin por jo për paraqitjen e skuadrës së tij. Trajneri i Kukësit Armando Cungu e pranon se Valletta ishte një skuadër shumë e fortë që sot i dominoi verlindorët në lojë. Për kanalin zyrtar të klubit të Kukësit, Cungu u shpreh:
“Rikthimi në Kukës normalisht ka emocionet e veta, për vetë historinë që kemi kaluar këtu. Kukësi ka qenë një simpati e veçantë për mua pas Vllaznisë. Natyrshëm që Kukësi ma ka dhënë këtë fat. Ndeshja e sotme ishte shumë e vështirë, pasi kërkohej nga nge nga opinioni sportiv kalimi i këtij turi edhe pse ndoshta nuk ishte shumë e favorshme për ne nga ndeshja e parë.Për mendimin tim mund të kemi pasur dhe ngërç psikologjik, apo presion për faktin se Kukësi ishte favorit dhe nuk e mendonte eliminimin. Për mua nuk ishte ashtu, pasi Valletta ishte ekip shumë i mirë. Ndeshjen e parë e kam parë me shuam vëmendje dhe sot na kanë dominuar”.