Connect with us

Hi, what are you looking for?

Kategoria Superiore

Cungu: Nuk i trembemi askujt, Allën e doja në skuadër

Kukësi nuk i trembet asnjë kundërshtari. Kjo është kryefjala e kësaj skuadre, ose të paktën kështu e mendon trajneri shkodran i verilindorëve, Armando Cungu.

“Çdo ndeshje është e rëndësishme, jo vetëm për ne, por për të gjithë ekipet në Superligë, Duke llogaritur edhe objektivin që kemi këtë sezon, ne do të synojmë 3 pikët në çdo stadium dhe ndaj çdo kundërshtari”, deklaroi Cungu.

Tekniku i nënkampionëve nuk i kursen lëvdatat për Flamurtarin dhe nuk bazohet tek historia e viteve të fundit, ku blutë thuajse kanë fituar gjithnjë në Vlorë, gjithsesi pavarësisht forcës së kundërshtarit objektivi është marrja e maksimumit të pikëve.

Pak ditë kanë mbetur nga mbyllja zyrtare e kësaj hapësire verore të merkatos, gjithsesi Cungu shpreson që presidenca t’i dhurojë edhe një tjetër afrim cilësor.

Trajneri i Kukësit tregohet i drejtpërdrejtë kur sqaron çështjen Shkodra dhe zbulon se ishte kundër largimit të Allës, por nuk mundi t’ia ndryshonte mendjen mbrojtësit, i cili në fillim të javës iu bashkua pikërisht Flamurtarit.

Kukësi në këtë takim do të ketë shërbimet e Irakli Dzarias, i cili është rikuperuar nga një dëmtim muskulor, ndërkohë që portieri Frashëri nuk është stërvitur me grupin për shkak të problemeve fizike.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...