Patrick Cutrone ia shpërblen më një dygolësh besimin Ivan Gennaro Gattusos, që e aktivizoi titullar të riun në majë të sulmit në transfertë me Spalin. Kuqezinjtë fituan me rezultatin e thellë 0-4, pasi për “Djallin” realiuan gjithashtu Biglia e Borini, por sigurisht merita kryesore shkon për 20-vjeçarin.
Pa u mbushur 2 minuta nga starti i takimit, Cutrone, i gjendur në vendin dhe kohën e duhur e bëri të pavlefshme ndërhyrjen e portierit Meret.
Golin e sigurisë për Milanin e shënoi i njëjti autor në minutën e 65-të, thuasjë në të njëjtën mënyrë, duke ndjekur aksionin dhe shtyrë drejt rrjetës topin e mbetur në zonë pas ndërhyrjes së portierit.
Golin e tretë e shënoi Lucas Biglia në të 73-ën, pasi përfitoi nga një gabim i portierit dhe mbrojtjes në rinisjen e aksionit, ndërsa rezultatin 0-4 e vulosi Borini në minutën e fundit të kohë së rregullt.
Milani me këtë fitore shkon në kuotën e 38 pikëve, ndërsa Spal mbetet në zonën e ftohtë.
