Kur një projekt po funksionon është e thjeshtë ta dallosh, buzqëqeshje, lojëra, shaka brenda normës, çdo gjë është e pranuar. Kukësi po kalon momentin më të mirë të sezonit, e mbylli 2018-ën në rritje dhe tregoi të njëjtën përformancë edhe në fazën përgatitore në Turqi. Një nga “goledaorët” e papritur të periudhës stërvitore dimërore ishte Arbër Çyrbja, finalizuesi i bluve në të tre takimet miqësore. Anësori është kthyer me më shumë optimizëm nga Antalya ku ndër të tjera ka krijuar dhe një opinon mjaft pozitiv për dy afrimet kryesore të merkatos, Shkurtajn dhe Rrocën.
Kampionati është pas derës dhe beteja për titull do të jetë e ashpër deri në fund, megjithatë besimi i 27-vjeçarit tek triumfi është në nivelin maksimal.
Armiku më i madh i Kukësit mund të jetë presioni që për hir të së vërtetës ka ekzistuar në epokën moderne të këtij kubi dhe këtë e pranon edhe Arbër Çyrbja.
Kukësi do ta rinisë kampionatin të shtunën përballë Laçit, megjithatë do të rikthehet filimisht në fushë të mërkurën për të sfiduar Apoloninë në Kupën e Shqipërisë.
