E hënë intensive për dy nga klubet me më shumë traditë në futbollin shqiptar, Partizani dhe Vllaznia. Si kryeqytetasit ashtu edhe të kuqtë, në orën 11:00 të ditës së parë të javës, kanë vendosur të prezantojnë trajnerët që do të drejtojnë skuadrat respektive. Të dy klubet, në njoftimet përkatëse, nuk e zbulojnë emrin e “timonierit” të ri, por tashmë dihet që “frenat” e të kuqve do t’i marrë Ilir Daja dhe të kuqebluve Thomas Brdaric.
Daja një ditë postoi një mesazh me falenderime, ku njoftonte ndarjen nga Skënderbeu, pasi do të pezantohet te të kuqtë, ndërsa gjermani Brdaric ndodhet prej disa ditësh në Shkodër, për ku ka parë nga afër terrenet stërvitore dhe stadiumin “Loro Boriçi”.
