Skënderbeu ishte me fat që mori tri pikë ndaj Teutës në Korçë, megjithatë, për trajnerin Ilir Daja skuadra e tij bëri më të mirën e mundshme.
“Jam i kënaqur me fitoren dhe lojën. E filluam goxha mirë, por vuajtëm problemin e finalizimit. Nëse jemi më të qetë para portës mund të ruajmë qetësinë për vazhdimësinë. Me kontigjentin që kishim, bëmë më të mirën e mundshme. Jemi në gjendje të mirë psikologjike. Dëshira dhe sakrifica e lojtarëve bëri që të shkonim te fitorja.
Mungesa e Krasniqit: Mensah prezantohej për herë të parë në një ndeshje kampionati. Është lojtar i ri, duhet të përmirësojë teknikën e goditjes. I vuri në presion mbrojtësit e Teutës. Doli përpara portës, pavarësisht se nuk arriti të shënonte.
Tranzicioni negativ: Kishim problem humbjen e topit në hapësira të mëdha. Ekipi duhet të fitojë gjerësinë dhe thellësinë. Për vonesa të lojtarëve nuk u realizuar tranzicioni negativ. Ne e dinim që Teuta është ekip i fortë në goditje standarde. Kemi punuar për të mbuluar pikat e forta.