Skënderbeu pas 9 rezultateve pozitive radhazi ku makineria po funksiononte thuajse në përsosmëri vendosi të ndalet në “pit-stop” dhe në kampionat kanë ardhur dy humbje të njëpasnjëshme, megjithatë kjo situatë jo shumë optimiste nuk e shqetëson së tepërmi trajnerin e bardhekuqve Ilir Daja i cili përpara duelit ndaj Teutës është i bindur që skuadra e tij do të ketë forcën për të reaguar pas rezultateve negative në javët e fundit.
Në ndryshim nga sfidat e kaluara pritet që në këtë ndeshje grupi i futbollistëve në dispozicion të teknikut të jetë më i madh, teksa trajneri 3 herë kampion i Shqipërisë ka shpresë edhe tek rikuperimi i një elementi të veçantë si Dejvi Bregu.
CV e pasur dhe njohuritë për të cilat ka investuar prej dekadash e kanë bërë Ilir Dajën një nga trajnerët më të dëshiruar, fakti që e kërkojnë e bën të ndjehet i vlerësuar, por tekniku nuk tregon asnjë grimcë mungese respekti ndaj klubit ku po punon aktualisht.