Skënderbeu zhvilloi një 90-minutësh mjaft të mirë në Korçë përballë Kukësit, por nuk shkoi më shumë se një barazim pa gola, që gjithsesi kënaqi trajneri Daja, i cili në emisionin “Gol pas Goli” në Supersport, komplimentoi futbollistët e tij.
Një ndeshje e mirë, por vetëm një barazim pa gola ndaj Kukësit. Çfarë i mungoi këtij Skënderbeu sot?
Të them të drejtën sot nuk ka munguar asnjë gjë përveç golit. Në futboll rezultatet maten me gola, por të kesh aq shumë raste përballë një ekipi me cilësi si Kukësi është gjë e mirë. Po të luajmë kështu, goli do të vijë patjetër. Do të kemi eficiencën për të realizuar këto mundësi të krijuara.
Një gol i anuluar në fillim dhe një penallti e pretenduar nga ju. Mendoni se arbitrimi ndikoi në rezultat?
Të them të drejtën e përgëzova arbitrin, pasi ashtu siç gabojmë të gjithë, mund të gabojnë dhe ata. Nuk pashë gjë me tendencë. Ishte i pozicionuar drejtë. Dhe ato ishin gabime njerëzore. Edhe arbitri e ngriti lojën në nivelin që sot pamë.
Të kënaq barazimi?
Përtej modestisë, ishim gjithçka më larg se kundërshtari. Në shumë momente më dukej Skënderbeu që drejtoja para 2 sezonesh. Nëse do të vazhdojë e njëjta lojë, besoj se rezultatet do vazhdojnë të jenë. Ne do të jemi te pjesa e sipërme e tabelës. Këtë 90 minutësh duhet ta përsërisim shpeshherë