Ilir Daja ua dha meritën lojtarëve për suksesin 2-0 me Skënderbeun në Vlorë.
“Jam i kënaqur dhe mendoj që në të tilla ndeshje me Skënderbeun, lojtarët motivohen vetë. Kemi kërkaur të ruanim qetësinë për të mos prishur ekuilibrat. Fitorja është e gjitha e lojtarëve.”
Aktivizimi i Ribajt: Në të njëjtën situatë më ka ndodhur në një ndeshje Europiane me Skënderbeun. Deliaj doli në tribunë, sepse u dëmtua gjatë nxemjes dhe rregullorja nuk e lejon të rrijë në stol në rast se shënohet në protokoll. Ribaj ka qenë pjesë e kontingjentit. Sot me performancën që bëri, ka fituar më shumë minuta.
Formacioni befasi? Për të qenë i sinqertë, nuk ka qenë strategji, gjatë nxemjes Deliaj u dëmtua. Futja e Ribajt ka qenë shans për ne, nuk është vetëm shënimi i golit por mënyra se si luajti ishte pozitive. Bëri gjithçka mirë në atë vend që ne e kishim menduar me Bathën. Ishte një zgjedhje e detyruar nga dëmtimi në nxemje. Shpresoj që në ditët në vazhdim gjërat do përmirësohen për ne.
Sqarimi me Ribajn: Unë kam pasur një bisedë me kërkesën e Ribajt këtë javë. Kemi folur bardhë e zi me njëri–tjetrin. Ja ku e ka fushën e lojës. Nëse bën të tilla performanca, do t’i shtojë minutat vete.
