Pas 4 vjetësh në “Old Trafford”, Daley Blind mbyll aventurën me Manchester United. Mbrojtësi holandez do të rikthehet në vendlindje, te skuadra e Ajaxit. Drejtuesit e “Djajve të kuq” kanë arritur marrëveshjen me harkëtarët për transferimin e futbollistit, pikërisht në klubin ku është formuar.
Sipas mediave angleze, kanë mbetur edhe pak gjëra për t’u rregulluar në kontratën e 28-vjeçarit, por zyrtarizimi i tij te skuadra e drejtuar nga Erik ten Hag është thjesht çështje kohe.
Blind kaloi te “Djajtë e kuq” në verën e vitit 2014 dhe për 4 sezone luajti 90 takime me Manchesterin, duke gjetur 4 herë rrjetën.