Connect with us

Hi, what are you looking for?

Kategoria Superiore

Dalipi: Duhen vepra jo fjalë, besojmë ende te vendi i dytë

Klevis Dalipi justifikohet me mungesat. I zhgënjyer trajneri i Partizanit në përfundim të sfidës ndaj Kukësit të cilën skuadra e tij e humbi me rezultatin e thellë 4-0, duke pësuar edhe disfatën e parë me të në drejtim. Dalipi u bëri thirrje të gjithë futbollistëve të japin më shumë nga vetja për fanellën e Partizanit dhe ta përfaqësojnë denjësisht atë.

“ Patjetër që mungesat e bënë më të vështirë pasi të ndryshosh kaq shumë lojtarë në një ndeshje kaq të rëndësishme është e vështirë. Mungesa e Ibrahimit na penalizoi pasi aktivizimi i Prognit si mbrojtës krahu bëri që të humbnim goxha në cilësi përpara. Dëmtimi i Belicas në çastet e fundit na prishi shumë punë, pasi aktivizova Atandën i cili nuk po kalon një moment të mirë. Megjithatë përtej justifikimeve sot humbëm një betejë por jo luftën pasi luftëtarët nuk dorëzohen. Nuk është kjo fytyra e vërtetë e skuadrës tonë, pasi nga ato cilësi që kemi shfaqur në 5 javët e kaluara nuk shfaqëm sot. Edhe lojtarët me eksperiencë sot dështuan, fanella e Partizanit është e rëndë dhe duhet përfaqësuar denjësisht, jo me fjalë por me vepra”.

Gjithsesi numri 1 i stolit të kuq ka bindjen se skuadra do të dijë të ringrihet me Dalipin që beson ende te vendi i dytë por më parë Partizani duhet të sigurojë vendin e 3-të.

“ Besoj që skuadra do të ringrihet duke filluar që nga sfida e rradhës ndaj Skënderbeut, do të punojmë fortë gjatë kësaj jave në mënyrë që të rikthehemi te rezultatet pozitive, pasi mendoj që kemi ende shanse për vendin e dytë pavarsisht diferencës prej 9 pikësh, por në të njëjtën kohë duhet të ruajmë edhe vendin e tretë që të kualifikon në kompeticionet europiane”.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...