Në Vlorë duhet ta harrojnë përfundimisht brazilianin Danilo Alves. 27-vjeçari, I cili u largua në vendlindjen e tij pas përfundimit të fazës së dytë të kampionatit, për të mos u kthyer më në Vlorë, i është bashkuar skuadrës kazake Ordabasi.
Edhe pse administratori Sinan Idrizi është shprehur publikisht se priste rikthimin e tij nën urdhrat e Dajës, braziliani e ka patur të ndarë mendjen për t’i dhënë fund aventurës me Flamurtarin, pasi pretendonte se nuk ishte shlyer financiarisht.
Alves ka kërkuar ndërprerjen e kontratës me vlonjatët, por ende nuk është e qartë nëse e ka bërë këtë me konsensus apo ka vepruar sipas kokës së tij. Gjithsesi, ai nuk mund të luajë në kampionatin e Kazakistanit, që nis në muajin mars, nëse nuk merr lejekalimin nga vlonjatët. Nëse palët nuk e kanë gjetur gjuhën e përbashkët, çështja zgjidhte nga FIFA, ku Flamurtari ka shumë gjyqe të humbura.