David Luiz mund të rikthehet sërish të riveshë fanellën e Benficës, me të cilën është aktivizuar nga viti 2007 deri në 2011-ën, për t’u transferuar më pas pikërisht te Chelsea ku dhe luan aktualisht.
Kontrata e brazilianit me “Blutë e Londrës” përfundon në fund të sezonit dhe dëshira e 31-vjeçarit është që të rikthehet pikërisht te skuadra portugeze me të cilën bëri dhe debutimin në Europë.
Gjithsesi mbetet për t’u parë gatishmëria e palëve për të gjetur akordin mbi pagën, sepse aktualisht David Luiz fiton një shumë të konsiderueshme te Chelsea, që Benfica kurrsesi nuk mund t’ia garantojë.
