Frenki de Jong ishte në qendër të vëmëndjes në merkaton verore për shkak të interesit të madh të Man United. Holandezi u përfol për një transferim në Old Trafford deri në përfunimin e afatit kalimtar dhe një marrëveshje midis klubeve u arrit, por ishte vetë dëshira e De Jong për të qëndruar te Barcelona.
Man United ishte i gatshëm për të shpenzuar 65 milionë paund për të plotësuar dëshirën e trajnerit Erik Ten Hag, megjithatë një akord nuk u arrit kurrë dhe tani vetë De Jong është rikthyer për të folur në lidhje me merkaton verore.
“Gjithmonë kam dashur të qëndroj te Barcelonë dhe kjo është arsyeja pse kam qëndruar gjithmonë i qetë gjatë merkatos verore. Nuk mund të jap shumë detaje. Por shikoni, klubi ka idetë e veta dhe unë gjithashtu kam idenë time dhe ndonjëherë ka përplasje me njëri-tjetrin. Por në fund të ditës gjërat shkuan mirë”-tha De Jong.
Në intervistën e dhënë, De Jong ka konfiruar arritjen e marrëveshjes midis Barcelonës dhe Man United për një transferim në Old Trafford, megjithatë ka qenë vetë dëshira e lojtarit për të qëndruar në Camp Now.
Në gjashtë javët e para në La Liga, mesfushori me origjinë hollandezi ka shënuar një gol.
