Maurizio Sarri është tashmë vetëm një hap larg Chelseat, ndërsa lajmi është pranuar nga vetë presidenti i Napolit, Aurelio De Laurentiis.
Në një intervistë për mediat italiane, bosi napolitan tregoi se Sarri është shumë pranë stolit të Chelseat, ndërsa tregoi se edhe mesfushori Jorginho do të shoqërojë trajnerin në këtë aventurë.
Maurizio Sarri drejtoi Napolin për 3 sezone, por pa arritur të marrë asnjë trofe, ndërsa në maj të këtij viti vendosi të largohej për një tjetër aventurë.
Klauzola që Chelsea duhet të paguajë është 8 milionë euro, por duket se palët kanë gjetur marrëveshjen që në arkat e napolitanëve të shkojnë vetëm 5 milionë euro për kartonin e trajnerit.