Presidenti i Napolit, Aurelio De Laurentiis është rikthyer të flasë për çështjen më të nxehtë të merkatos, atë të negociatave me Realin e Madridit, për blerjen e fantazistit kolumbian James Rodriguez.
Ky i fundit kërkohet me ngulm nga Ancelotti, por klubet janë larg pretendimeve të njëri-tjetrit, pasi spanjollët duan shitjen përfundimtare, ndërsa napolitanët ofrojnë huazim me të drejtë blerjeje.
“Nuk e kuptoj pse Reali i Madridit nuk na e jep në huazim James Rodriguez. Ia huazuan Bayernit për dy sezone, që faturon 3-fishin tonë, ndërsa nga ne kërkojnë 42 milionë euro menjëherë. Para se të vendos ta vlej përfundimisht, jam kurioz të shoh si dialogojnë Ancelotti dhe James, por nëse Reali do të këmbëngulë, atëherë do to shohim për një tjetër alternativë”, tha presidenti i Napolit.
De Laurentiis komentoi edhe fushatën e abonimeve, që po ecën me ritme të ulëta, ndonëse këtë sezon çmimi u ul ndjeshëm. Bosi napolitan tha se nuk dëshiron tifozë rastësorë në stadium, por ata që mbështesin skuadrën me zemër.
