Bayern Munich ka gjetur gjuhën e përbashkët me Matthijs De Ligt. Kampionët Gjermanisë kanë piketuar prej kohësh holandezin e Juventusit si përforcimin e duhur për qendrën e mbrojtjes.
22-vjeçari cilësohet si pasuesi perfekt i Niklas Sule, por bardhezinjtë italianë po i rezistojnë ofertave nga Bavaria. Fabrizio Romano shkruan se drejtuesit e Bayernit kanë arritur akordin me lojtarin e kombëtares holandeze.
De Ligt ka pranuar të firmosë për pesë vitet e ardhshme me Bayernin. Drejtuesit e klubit gjerman vazhdojnë bisedimet me homologët italianë.
Oferta e fundit e Bayernit është 70 milionë euro + 5 të tjera në formë bonusesh. “Zonja” kërkon më shumë për të lënë të lirë De Ligt, por palët janë shumë afër marrëveshjes finales.
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?