I zhgënjyer për humbjen, që praktikisht e mban Vllazninë në zonën “play out”, trajneri Hysen Dedja ka rezerva për gjykimin, duke pretenduar për një 11-metërsh të padhënë.
Humbje nga gabimet: Ishim më të motivuar se Skënderbeu dhe nuk na takonte ky rezultat. Bëmë Gabime foshnjarake. Kruja dhe Lekaj gabuan te dy golat. Pavarësisht se jemi në këto pozita, unë i përgëzova për shpirtin e garës në dhomat e zhveshjes. Lojtarët kanë dëshirë, nuk janë si në ditët e para. Më vjen keq që jemi në këto pozita.
Pretendimi për 11-metërsh: Lojtarët më thanë që futbollisti i Skënderbeut preku topin me dorë brenda zonës. Është hera e disata që nuk na japin penallti. Është e habitshme. Po të ishte jashtë 16 metrave jam i bindur që do ta jepte faull. Jam i kënaqur vetëm në rritjen e lojës.
Pusi i Akademisë së Vllaznisë: Nga akademia kemi kohë për të hedhur sytë. Duhet që ta ndjejnë atmosferën e qytetit dhe të mos qëndrojnë larg. Shumë lojtarë të akademisë luajnë me ekipet e tjera. Unë kam kontratë deri në 5 gusht, më pas do flasim. 17 vjet s’na ka pyetur kush për kontratat. Ashtu ishte koha.
Portieri Sherri: Unë gjeta portierin tjetër, jo se ka luajtur keq, por bëri 2-3 gabime. I vura në baraspeshë dhe në fund fitoi Sherri.
