Një fitore që mban në garë Vllazninë për të shmangur “play out”-in, por që shërben edhe për moralin. Trajneri Hysen Dedja theksoi në “Gol pas Goli” se Vllaznia nuk e meriton vendin që ka.
“Ka tri javë që ekipi po luan mirë dhe ka lojtarë me vlera. Më vjen keq për ndeshjen në Korçë. Pas humbjes me Teutën 3-0, kam thënë se karakteri ynë rritet me stërvitjen, pavarësisht se është fundi i sezonit. Nuk e meritojmë zonën ku po shkojmë. Rrita ngarkesën dhe skuadra m’u përgjigj. Jemi stërvitur dy herë në ditë. Sot ishte pika kulminante. Ato që kemi shprehur në stërvitje, i kemi shprehur në fushë.”
Tirana kampione: Sot nuk luajta për interesat e Tiranës, por për klubin tim. Sigurisht që kjo skuadër duhet të luajë ndershëm ndaj Bylisit. Nuk e imagjinoj dot që kampionia e Shqipërisë dhe që ka fituar në Kupë të dështojë. Nuk e imagjinoj dot, duhet që të luajnë ndershëm.
