Dejvi Bregu iu bashkua Skënderbeut vetëm në fillim të javës, por menjëherë tregoi se do të jetë ai protagonisti i korçarëve në sezonin e ri.
Sulmuesi vlonjat e nisi me një dopietë të shënuar ndaj skuadrës së 19-vjeçarëve, ndërsa sot ka vënë sërish vulën e tij në miqësoren ndaj Trepçës ’89.
Sfida mes Skënderbeut dhe skuadrës nga Mitrovica, e cila drejtohet nga Gugash Magani, u luajt pasditen e sotme në stadiumin e qytetit të Korçës.
Dejvi Bregu ekzekutoi saktë një goditje dënimi në minutën e 22-të, duke vulosur rezultatin final 1-0 për Skënderbeun.
Kjo ishte miqësorja e katërt e skuadrës së drejtuar nga Orges Shehi, ndërsa numërohen 3 fitore dhe 2 barazime.