Serie A

Deklaratat e Schick acarojnë drejtuesit e Romës

Patrick Schick dha një intervistë të gjatë për një revistë çeke, ku foli për transferimin e dështuar te Juventusi, të tashmen te Roma dhe synimet për të ardhmen.

Sulmuesi çek tha se ndihej i lumtur në kryeqytetin italian, por pranoi se në të ardhmen do të donte të luante për klube më të mëdha si Barcelona, Reali i Madridit apo Manchester United.

“Mendova se isha një futbollist i Juventusit, por ata kërkuan analiza shtesë dhe kjo më acaroi, ndaj vendosa t’i japim fund marrëveshjes. Te Roma ndihem mjaft mirë dhe po punoj që të rikthehem në formën time më të mirë, për të qenë në dispozicion të skuadrës. Në të ardhmen do të doja të luaja për klube pak më të mëdha, si Manchester, Barça, apo Real”, tha Schick.

Pikërisht këto deklarata nuk janë pritur aspak mirë nga drejtuesit e klubit verdhekuq, të cilët i tërhoqën menjëherë vëmendjen çekut. Fillimisht ishte drejtori sportiv i Romës, Monchi, i cili bisedoi me Schick, ndërsa në ditët në vijim pritet që edhe Di Francesco të flasë me djaloshin. Nuk përjashtohet as mundësia që klubi roman të gjobitë sulmuesin çek, për mungesë respekti ndaj skuadrës.

Eventet Sportive në SuperSport

Të Fundit

EVENTET NË SUPERSPORT

To Top
Evolve Web Agency Evolve Web Agency