Connect with us

Hi, what are you looking for?

Tenis

Del Potro “thyen” magjistarin Federer dhe fiton Indian Wells

Çdo magji e ka një fund madje edhe një magjistar si Roger Federer ka limitet e tij. I rilindur në moshën 36-vjeçare veterani zviceran pësoi humbjen e parë të vitit teksa u mposht nga Juan Martin Del Potro në finalen e Indian Wells  duke u ndalur pas 17 fitoresh radhazi.Edhe në këtë ndeshje Federer kishte shansin ideal për të fituar një tjetër turne të rëndësishëm në karrierë por në setin e tretë kur rezultati ishte 5-4 në favor të mbretit Rogerer, zvicerani me shërbimin në dispozicion shpërdoroi tre match point duke u dorëzuar në fund përballë Del Potros që triumfoi në një finale spektakolare dhe ndër më të bukurat në historinë e Indian Wells me rezultatin 6-4, 6-7 dhe 7-6 pas 2 orë e 42 minutash lojë. Lodhja dhe energjitë e shumta që kishte shpenzuar për të mposhtur Borna Coric në gjysmëfinale u ndienë te numri 1 i Botës që përballë Del Potros nuk shfaqi tenisin e tij më të mirë. Federer megjithatë luajti më bukur se në gjysmëfinalen ndaj Coric, por finalja e këtij mbi çimenton kaliforniane, ishte një ndeshje e një niveli shumë të lartë dhe përballë zviceranit ishte Del Potro më i mirë i 5 viteve të fundit me argjentinasin që fitoi titullin e tij të parë në një turne Masters 1000 dhe më pas ia dedikoi trofeun qenit të tij. Më pak brilant se herët e tjera Federer i cili u shfaq gjithashtu dhe shumë nervoz duke humbur një ndeshje që nëse do të ishte treguar më i qetë mund ta kishte fituar pa më të vogëlin problem. Për Del Potron kjo ishte fitorja e 7-të ndërsa numëron edhe 18 humbje në përballjet direkte me mbretin Roger, ndërkohë që Federer edhe pas kësaj disfate mbetet numri 1 i Botës në renditjen e ATP por për ta ruajtur këtë pozicion edhe pas Mastersit të Miamit, 36-vjeçari helvet duhet të arrijë të paktën deri në çerekfinalet e turneut që do të startojë në Florida këtë të mërkurë. Në tenisin femëror, japonezja Naomi Osaka e lindur në qytetin e Osakas është kampionia e re e Indian Wells. Në finalen surprizë ndaj ruses Daria Kasatkina, tenistja nipone dominoi totalisht duke fituar me një lehtësi të jashtëzakonshme 2-0 me sete me shifrat 6-2 6-3 në vetëm 70 minuta lojë.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...