Ardit Deliu spikati në suksesin e Laçit në Ballsh më di asiste. Në “Gol pas Goli”, pas takimit, mesfushori foli edhe për përvojën e tij në Kroaci.
“Dihet sa e vështirë është fusha e Ballshit, ku nuk kishim fituar këtë sezon. E rëndësishme ishte fitorja. Trajneri na tha të shihnim punën tonë, t’i linim ndeshjet e tjera. Kemi ardhur këtu me këmbët tona dhe do të mbyllim sezonin siç duhet. Erdhëm dhe fituam, nuk na intereson asgjë tjetër.”
Përvoja në Kroaci: S’e kam pasur të lehtë, në Kroaci nuk kisha marrë shumë minuta. Vjet luajta 7-8 ndeshje. Ishte e vështirë të stërvitesha dhe të motivohesha, por duhet të vazhdoja, të bindja stafin dhe të vijoja të luaja. Durim, durim dhe shumë punë, ky është mesazhi im për të rinjtë”.
Lojtari më i rëndësishëm i Laçit? Besoj kapiteni, për këtë arsye u zgjodh. Ka shumë vite eksperiencë, ka luajtur jashtë. Ignjatovic na kritikon, na motivon dhe na mban me këmbë në tokë.
