Connect with us

Hi, what are you looking for?

Merkato

Dembele drejt PSG-së, Xavi kërkon t’i sjellin sulmuesin e kombëtares braziliane

Xavi po bën një punë fantastike te Barcelona. Ekipi katalanas luan bukur, shënon pafund dhe po arrin të sigurojë rezultate pozitive në vazhdimësi. Një nga të “rilindurit” nën drejtimin e Xavit është Ousmane Dembele.

Sulmuesi i djathtë francez ka shfaqur një rendiment të lartë në ndeshjet e fundit, teksa kontrata i përfundon në muajin qershor. Edhe pse Xavi i beson dhe e cilëson të rëndësishëm, 24-vjeçari nuk do të rinovojë.

Në Spanjë theksojnë se Dembele ka një paraakord me PSG-në, dhe në fund të sezonit do të transferohet në kryeqytetin francez si lojtar i lirë. Te Barcelona janë të përgatitur për çdo skenar.

Katalanasja Sport.es raporton se drejtuesit e klubit kanë piketuar Raphinha si zëvendësuesin perfekt të Dembele. Braziliani është pjesë e Leeds United prej vitit 2020, teksa këtë sezon numëron 9 gola dhe 3 asiste në Premier League.

25-vjeçari dëshiron të fillojë një aventurë të re në verë dhe Barcelona shihet si destinacioni perfekt. Për lojtarin latin interesohen edhe Liverpool e Bayern Munchen.

Një gjë e tillë ka shtyrë drejtuesit e Barcelonës të nisin bisedimet me agjentin e lojtarit, Decon. Portugezi është një njohje e vjetër e presidentit Laporta, pasi është aktivizuar me Barçën në vitet 2004-2008.

Raphinha debutoi me kombëtaren braziliane në tetorin e vitit të kaluar dhe deri tani numëron shtatë ndeshje dhe tre gola me pesë herë kampionët e botës.

[quiz-cat id=”297576″]

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...