Sulmuesi i talentuar Moussa Dembele shënoi sërish një dopietë, por kjo nuk i mjaftoi Lyonit që të dalë me 3 pikë nga transferta përballë Amiensit, që përfundoi në barazim 2-2.
Jallet kaloi në avantazh vendasit që në minutën e 7’, por Dembele barazoi dy minuta më vonë, ndërsa pak para fundit të pjesës së parë ,shënoi edhe golin e avantazhit.
Megjithatë buzëqeshja e Lyonit ngriu në minutat shtesë të takimit, kur Amiensi shënoi me Bodmer dhe arriti të marrë një pikë falë barazimit 2-2.
Pasi e nisi kampionatin me dy fitore bindëse radhazi, kjo u bë ndeshja e tretë radhazi për ta, që nuk ia dalin të marrin 3 pikët, teksa numërojnë një humbje dhe dy barazime.
Ndërkohë, sot u luajt edhe takimi tjetër i javës së pestë, mes Lille dhe Angers, ku vendasit arritën të triumfojnë me rezultatin 2-1 dhe të ngjiten në kuotën e 9 pikëve.
