Fillimisht u mendua se dëmtimi i Ylli Shametit ishte shumë i rëndë dhe mbrojtësi gjirokastrit e kishte humbur pjesën më të madhe të sezonit me Gjilanin, por duke iu referuar disa lajmeve të fundit që vinë nga Kosova, pavarsisht operacionit që kreu në Selanik për t’u rikuperuar nga problemet në gju, ish-kapiteni i Kukësit do të rikthehet në fushë shumë më shpejtë nga sa parashikohej, ekzaktësisht pas dy muajsh pra rreth mesit të muajit nëntor.
Një lajm i shkëlqyer ky për trajnerin e Gjilanit Gentjan Mezani që beson shumë te eksperienca e ish-kapitenit të Kukësit. 35-vjeçari u dëmtua në stërvitje me “skifterat” të cilët në këtë sezon kanë afruar shumë lojtarë nga Kategoria Superiore dhe synojnë kualifikimin në kompeticionet europiane. I afruari i fundit nga kampionati shqiptar te Gjilani është qëndërmbrojtësi tjetër Franc Veliu i cili do të zëvendësojë Mezanin gjatë kësaj periudhe.
