Dëmtimi i rëndë i sulmuesit anësor të Bayernit, Coman, hapi skenarë të rinj merkatoje në Gjermani dhe Francë, me PSG-në që u ofroi bavarezëve Julian Draxlerin, në këto ditë të fundit të merkatos.
Gjithsesi gjigantët gjermanë refuzuan menjëherë, duke komunikuar zyrtarisht nëpërmjet zyrtarit të tyre, Ulie Hoennes, se nuk do të marrin asnjë lojtar tjetër për të zëvendësuar francezin Coman.
“Na vjen shumë keq për dëmtimin e Coman, pasi është një djalosh i shkëlqyer. Gjithsesi lojtari ka të gjithë mbështetjen e klubit. Do ta presim të rikthehet dhe nuk do gjejmë asnjë zëvendësues për të”, deklaroi Hoennes.
Nga ana tjetër, gjermani Julian Draxler ka dalë jashtë planeve të trajnerit Thomas Tuchel dhe tashmë “u ka mbetur në derë” parizienëve, që nuk po gjejnë një destinacion të ri për të .