Lajmi i keq për Barcelonën në suksesin e arritur ndaj Galatasaray-t në Europa League ishte lëndimi i Sergiño Dest. Anësori u zëvendësua nga Araujo në minutën e 56-të të ndeshjes. Barcelona ka publikuar një deklaratë, ku sqaron gjendjen shëndetësore të mbrojtësit:
“Testet e kryera këtë mëngjes nga lojtari i ekipit të pare, Sergiño Dest, kanë treguar se ai ka pësuar dëmtim në bicepsin femoral të kofshës së majtë. Evolucioni do të përcaktojë disponueshmërinë e futbollistit në javët në vazhdim”.
Në La Liga Xavi mund ta mbulojë mungesën e Destit me aktivizimin e Dani Alvesit, por kundër Eintrachtit të Frankfurtit në Europa League nuk ka shumë mundësi për ta zëvendësuar.
