Rafael Leao ka qetësuar tifozët e Milanit me postimin e fundit në rrjetet sociale. Ylli i kuqezinjve luajti vetëm 11 minuta në takimin Milan-Lazio (2-0).
Një tërheqje muskulore në kofshën e djathtë, ndikoi që Stefano Pioli ta zëvendësonte me belgun Alexis Saelemaekers.
Derbi ndaj Interit në Champions League është në prag dhe trajneri nuk mund të rrezikonte lojtarin më të mirë të skuadrës.
Lexo edhe:
- VIDEO/ Theo realizon super gol, Milan triumfon ndaj Lazios
- Klubi i njohur italian rikthehet në Seria A pas një viti
- Stadiumi i ri në Vlorë, shpallet projekti fitues
- Bisedimet zhvillohen gjatë natës, Liverpool-Brighton marrëveshje parimore për argjentinasin
Në postimin në “Instagram”, Leao shkruan: “Rikthehem së shpejti”. Ndërkohë, ai komentoi shkurt pas ndeshjes dëmtimin e tij.
“Ndihem mirë, nuk është asgjë e rëndë”, u shpreh 23-vjeçari, i cili kërkon me çdo kusht të mos humbasë gjysmëfinalen e së mërkurës.
