Connect with us

Hi, what are you looking for?

La Liga

Dëmtimi i pësuar në stërvitje, ylli i Realit humbet dy ndeshjet e radhës

Karim Benzema pësoi një tërheqje muskulore në seancën stërvitore të së premtes përpara duelit shtëpiak ndaj Sevillas së Sampaolit. Kapiteni i Realit të Madridit dhe Topi i Artë 2022, i është nënshtruar mëngjesin e sotëm kontrolleve mjekësore.

“Pas testeve të bëra sot tek Karim Benzema është konstatuar lodhje muskulore në kuadricepsin e këmbës së majtë”, thuhet në raportin mjekësor të klubit spanjoll në lidhje me sulmuesin 34-vjeçar, i cili realizoi një nga golat në suksesin e fundit 0-3 në Elche.

Benzema humbet në këtë mënyrë sfidën e mbrëmjes së sotme dhe transfertën ndaj Leipzigut në Champions League, të martën e ardhshme. Carlo Ancelotti shpreson ta ketë të gatshëm goleadorin e skuadrës për takimin e 30 tetorit kundër Gironas në La Liga.

Reali kryeson kampionatin spanjoll me 28 pikë të grumbulluara në dhjetë javë kampionat. “Los Blancos” përballen sonte me Sevillan në kryeqytet, përballje që do të transmetohet në SuperSport 2 duke nisur prej orës 21:00.

Lajme të tjera

Futboll

Maroku po përgatitet për të ndërtuar stadiumin më të madh në botë. Bëhet fjalë për një impiant futuristik, që dhe do të jetë ndër...

Kombëtare

Nga Stokholmi në Madrid. Trajneri Sylvinho nuk humb kohë aspak dhe fill pas miqësores Suedi-Shqipëri, ka fluturuar drejt kryeqytetit spanjoll për të ndjekur live...

Legjionarët

Napoli i dashuruar me shqiptarët. Pas Amir Rrahmanit, që është shndërruar në një shtyllë të mbrojtjes, klubi napolitan synon të sjellë në “Diego Armando...

Kombëtare

Armando Broja do të jetë zgjedhja e parë për Europianin. Mendon kështu gazetari dhe komentatori i mirënjohur, Ylli Aga, që në emisionin “Kuqezi” në...