Leonardo Bonucci do të humbasë gjysmëfinalen e kthimit të Europa League, kundër Sevillas, por mund t’ia dalë të jetë sërish në fushë për finalen, gjithmonë nëse Juventusi ja del të kualifikohet përballë spanjollëve.
Kapiteni i Juventusit iu nënshtrua ekzaminimeve mjekësore në klinikën e bardhezinjve, pasi kishte kërkuar menjëherë zëvendësimin në pjesën e dytë të ndeshjes ndaj Sevillas këtë të enjte, më saktësisht në minutën e 61-të. Mbrojtësi ka një dëmtim të shkallës së ulët në muskujt e kofshës së majtë, dhe do ti duhet të qëndrojë jashtë fushe për 15 ditë.
Lexo edhe:
- Kahn: Muller nuk do largohet nga Bayern, do e bind unë të qëndrojë
- Roma pranë goditjes së dytë në merkato, arrihet akordi me mbrojtësin francez
- 500 ndeshje me fanellën bardhezi, Bonucci: I lumtur që kam bërë histori me Juven
- Mourinho lartëson autorin e golit: Është i pjekur si një 30-vjeçar
Bonucci do të humbasë me siguri ndeshjet e ardhshme në kampionat, kundër Cremonese dhe Empoli. Ai do të provojë të vërë në shënjestër ndeshjen me Milanin, e programuar në kalendar për në 28 maj, por edhe për këtë sfidë koha mund të rezultojë e pamjaftueshme.
Veç të tjerash përveç finales eventuale të Europa League mund të thuhet me siguri se mbrojtësi mund të jetë në fushë për ndeshjen e fundit në kampionat, kundër Udineses.
