Paris Saint Germain do të duhet të bëjë pa shërbimet e mbrojtësit Presnel Kimpembe deri në ndërprerjen e radhës të kampionatit, që konsiston pikërisht me nisjen e Kupës së Botës Katar 2022.
Ka qenë vetë klubi francez që ka dhënë lajmin se mbrojtësi francez ka pësuar një dëmtim në gju dhe është dërguar në Katar për t’u kuruar, teksa rikuperimi pritet të marrë rreth 6 javë.
Nuk është aspak në rrezik pjesëmarrja e Kimpembe në Kupën e Botës, megjithatë mbrojtësi vështirë se do të rikthehet të luajë më me fanellën e Paris Saint Germain, pasi synon të rikuperohet sa më mirë për eventin më të rëndësishëm në glob.
