Roma në alarm për Radja Nainggolan para derbit me Lazion. Federata Belge e Futbollit ka njoftuar se mesfushori ka patur shqetësime fizike gjatë stërvitjes me përfaqësuesen, cka e ka detyruar të braktisë skuadrën. Lojtari do t’u nënshtrohet testeve më të thelluara mjekësore, por duket e vështirë që ai të jetë gati për miqësoren me Meksikën.
Te Roma kanë frikë se Nainggolan do të kthehet i dëmtuar nga përfaqësuesja belge. Mbetet për t’u parë nëse lojtari do të aktvizohet në miqësoren tjetër me Japoninë, që Belgjika e ka programuar më datë 14 nëntor. Të “verdhekuqtë” janë me një vesh nga Belgjika, pasi nuk dëshirojnë të humbasin 29-vjecarin para derbit me Lazion, që do të zhvillohet më 18 nëntor.
