Barcelona bëri detyrën në Girona, fitoi 0-1 falë golit të Pedrit dhe vijon të kryesojë e vetme La Liga-n. Pedri realizoi golin e fitores për skuadrën katalanase, ndërkohë që Xavi ka humbur shërbimet e një titullari.
Osmane Dembele e nisi takimin si titullar, por u detyrua të largohej nga fusha në minutën e 26’ si pasojë e një tërheqjeje muskulore. Sulmuesi francez u ndal pas një sprinti.
Edhe pse tentoi të rikthehej në fushë, Dembele nuk ia doli dot dhe pjesën e mbetur të sfidës e ndoqi nga pankina. 25-vjeçari pritet të qëndrojë larg fushave për një periudhë 2-3 javore.
8 gola dhe 7 asiste në total numëron Dembele gjatë këtij sezoni. Ai do të humbasë duelet e kampionatit ndaj Betisit, Sevillas dhe Villarealit. Xavi shpreson ta ketë të gatshëm për duelin e Europa League ndaj Manchester United (16 shkurt).
