Juventusi është dënuar me heqjen e 10 pikëve nga Gjykata Federale e Apelit, në rigjykimin e çështjes së manipulimit të bilanceve, me plusvalencat.
Vendimi i Gjykatës së Apelit pranë Federatës Italiane të Futbollit, erdhi mbrëmjen e së hënës, pasi Prokuroria Federale kishte kërkuar heqjen e 11 pikëve.
Gjithashtu gjykata vendosi të lirojë nga akuzat 7 drejtues të Juventusit. Pavel Nedved, Paolo Garimberti, Assia Grazioli Venier, Caitlin Mary Hughes, Daniela Marilungo, Francesco Roncaglio dhe Enrico Vellano. Për të cilët prokuroria kishte kërkuar 8 muaj pezullim.
Lexo edhe:
- Haaland, për titullin në sezonin debutues te City: Joreal, do ta mbaj mend gjatë gjithë jetës sime
- DigitAlb – Zgjedhja e vetme për Shqiptarët dhe Diasporën
- Nga kualifikimet europiane, te sukseset në kampionate/ Rekordet e trajnerit Ilir Daja!
- Marca zbulon Uzunin, rrëfimi në 360 gradë i sulmuesit: Përballja me Ronaldon dhe premtimi ndaj vetes!
Bardhezinjtë u dënuan dimrin e kaluar me heqjen e 15 pikëve në renditje, por Kolegji i Garancive Sportive anuloi vendimin dhe ktheu çështjen për rigjykim.
Ndërkohë që la në fuqi dënimin e drejtuesve të lartë të klubit si Andrea Agnelli, Federico Cherubini e Fabio Paratici.
Me dënimin e ri, Juventusi zbret në vendin e shtatë me 59 pikë dhe momentalisht është jashtë zonës Champions.
Megjithatë, tri javët e mbetura në dispozicion mund ta katapultojnë sërish në katërshen e parë të renditjes.
Të dielën luhet Juventus-Milan…
