Holanda bindi në sfidën e parë vendimtare në fazën me eleminim direkt. Tulipanët fituan me rezultatin 3-1 përballë Amerikës, në një sfidë të veçantë për yllin e tyre në sulm Memphis Depay.
Sulmuesi i Barcelonës më në fund gjeti golin e parë në Kupën e Botës në Katar, pasi në ndeshjet e grupeve për shkak të minutave të pakta në dispozicion 28-vjeçari nuk shënoi asnjë gol.
Gjithsesi, Depay do ta mbaj mend gjatë sfidën përballë Amerikës, pasi goli i shënuar ishte i 43-ti për të me Tulipanët duke u bërë golashënuesi i dytë më i mirë për Holandës. 28-vjeçari kaloi Klass Jan Huntelar në renditje më një gol më shumë, ndërsa tani është në rrugën e duhur për të thyer rekordin e Van Persi, i cili ka shënuar 50 gola me Holandën.
Depay është vetëm shtatë gola larg për të barazuar rekordin e legjendës Robin Van Persie dhe me një strateg si Louis Van Gaal në stol ai është në rrugën e duhur.
Që kur Van Gaal mori drejtimin e Holandës në gusht të vitit 2021, në 17 paraqitje me Tulipanët, Depay ka shënuar 15 gola, ndërsa fokusi i rradhës është Argjentina, ku sërish ylli i ekipit do të shpresoj të jetë vendimtar në çerekfinalen e Kupës së Botës.
Për Depay goli përballë Amerikës ishte i dytë këtë sezon, pasi me Barcelonën e ka gjetur vetëm një herë rrugën e rrjetës në La Liga përballë Elches, megjithatë sulmuesi vetëm dy sfida ka luajtur këtë sezon me katalanasit për shkak të një dëmtimi.
