Derbi numër 219 i Milanos, do të jetë i pari në karrierë për Leonardo Bonuccin, i cili po përgatitet për një mbrëmje historike edhe si ish. Po, po, si një ish, sepse në të kaluarën e ka veshur fanellën ziklatër, ndonëse kapiteni aktual i Milanit nuk mbahet mend si një futbollist i rëndësishëm i Interit. Të apasionuarit e Serisë A kanë fiksuar në memorie vetëm eksperiencën e tij të mrekullueshme me Juventusin, por është pikësisht Interi skuadra e parë që i dha mundësinë të ballafaqohej në nivelet më të larta të futbollit. Ka luajtur në 4 ndeshje zyrtare me fanellën e Interit, mes Kupës së Italisë dhe kampionatit, ndërsa në palmaresin e tij përfshihet edhe titulli kampion i vitit 2006. Ish-kolegët e tij te të rinjtë e Interit nuk e mbajnë mend si një futbollist të talentuar, por është fakt që karriera e 30-vjecarit filloi ngjitjen pikërisht kur u largua nga Interi. Sot, tifozët interistë ndiejnë keqardhje që klubi i tyre nuk ka ditur ta vlerësojë si duhet Bonuccin, i cili është ngjitur në nivelet më të larta të futbollit falë punës së jashtëzakonshme dhe karakterit të tij.
