Bundesliga

Derbi i Ruhrit me Schalken, vendimtar për fatin e Bosz te Dortmundi

Më 6 qershor, kur Peter Bosz u emërua si trajneri i Borusias së Dortmundit, duhet të kenë qenë fare të pakët ata që mund të kenë parashikuar skuadrën “verdhezi” pa asnjë fitore në 8 ndeshje radhazi, kampionat dhe Champions.

6 muaj më pas, trajneri holandez duket në udhëkryq dhe rrezikon seriozisht, nëse ekipi pëson një tjetër disfatë në derbin e Ruhrit me Shalken. Gjithçka filloi mirë për Peter Bosz dhe të gjithë ishin të lumtur në ambientin “verdhezi”, teksa Borusia dominoi fillimin e Bundesligës, duke grumbulluar 19 pikë nga 21 të mundshmet në 7 javët e para të kampionatit gjerman. Kohët kaluan shpejt dhe pak prej dëmtimeve e ca më shumë prej ndërprerjeve për shkak të sfidave eliminatore të skuadrave përfaqësuese, befas klubi nga Dortmundi ka harruar se si fitohet një ndeshje futbolli, teksa numëron vetëm 1 pikë në 5 sfidat e fundit në kampionat.

“Revierderby”, siç është pagëzuar nga tifozët vendas, ndoshta vjen pikërisht në momentin e duhur, pasi Borusia ka nevojë jo vetëm për rezultat, por gjithashtu edhe për të ndryshuar një ecuri të frikshme që po e nxjerr rrezikshëm edhe jashtë zonës evropiane. Shumë futbollistë janë larguar dhe mbrojtja duket reparti më i nëpërkëmbur, në një skuadër që luan një futboll tepër tërheqës, por që shkatërron gjithçka falë finalizimeve amatore të lojtarëve të saj dhe mbi të gjitha, ‘hedh në erë’ ndeshjet me gabime të tmerrshme në prapavijë, pasi ekipi ka pësuar 14 gola në 5 takimet e fundit, gjë që nuk ndodhte prej plot 26 vjetësh.
Reus, Rode, Piszczek dhe Durm do të vazhdojnë të mungojnë, ndërsa në dyshim mbeten Burki, Sokratis dhe Pulisiç, megjithatë të tjerët dalin e teprojnë dhe kurrsesi nuk mund të justifikohet fakti që Borusia nuk është në gjendje të fitojë asnjë nga 2 përballjet me klubin qipriot APOEL Nicosia.

Sikur të mos mjaftonte kriza e thellë që ka mbërthyer Dortmundin, në krahun tjetër rivalët e urryer të Schalkes po fluturojnë lart dhe nuk njohin humbje prej 2 muajsh në kupë dhe kampionat. Si pa u ndjerë, klubi nga Gelsenkirsheni ka shfrytëzuar në maksimum kalendarin e favorshëm dhe si rrallëherë pozicionohet mbi Borusian e Dortmundit.

Në orën 15:30 në ‘Signal-Iduna-Park’, me shumë gjasa për këtë derbi do të rikthehet edhe lojtari i përfaqësueses, që kërkohet nga klubet më të famshëm të Kontinentit të Vjetër, Leon Goretzka, i cili pritet të rreshtohet prapa dyshes Franco Di Santo-Guido Burgstaller. Gjithsesi drejtuesit e “minatorëve” janë vërtet shumë të kënaqur për momentin, teksa skuadra është katapultuar në vendin e dytë në Bundesligë, me 3 pikë më shumë sesa “verdhezinjtë”.

Autostop Albania, tregu i makinave me i madh per makina ne shitje ne shqiperi, makina ne shitje, makina me qera ,kerkoj makine, kerkoj makina, makina ne shitje, shes blej makina, servis makinash,makina ne shitje,autostop makina, makina ne shitje, kerkoj makine,kerkoj makina okazion,karrotrec, makina.

autostop.al

makina ne shitje, makina me qera, servise, pjese kembimi, tregtar makinash,kerkoj makina,tregu i makinave ,tregu makinave shqiperi,tregu makinave,autostop albania,porsche cayenne me qera, makina per shitje ne tirane,auto a1 albania, auto a1 tirane, shes makina, auto shitje hertz albania makina ne shitje shijak, shes blej, porsche albania, oferta makina per shitje shqiperi ,makina ne shitje ne shqiperi, makina ne shitje, makina ne shitje okazion, makina ne shitje ne gjermani, makina blej makina, makina ne shitje gjermani, makina gjermane ne shitje, ford albania, pjese kembimi te perdorura, pjese kembimi kadiu, pjese kembimi per makina benz

Më të lexuarat

To Top
Evolve Web Agency Evolve Web Agency