Një prej të rinjëve më interesantë dhe më të talentuar që ka dalë nga Bundesliga gjatë viteve të fundit është edhe Evan N’Dicka, mbrojtësi i datëlindjes 1999 që luan për Eintracht Frankfurt dhe sipas asaj që raporton Sky Sports ka përfunduar në radarët e shumë skuadrave të mëdha europiane. Mes tyre janë edhe Interi e Milani që kanë nisur një derbi në merkato për të marrë shërbimet e N’Dicka. Gjithsesi dy klubet milaneze duhet të qëndrojnë të vëmendshme dhe t’u ruhen ekipeve të tilla si Liverpool, Arsenal, Valencia e Sevilla që gjithashtu do ta bëjnë një tentativë për mbrojtësin e talentuar.
