Në garë për Giacomo Bonaventuran ka hyrë edhe Roma. Mesfushori italian është në skadencë kontrate me Milanin dhe ka nisur që tani të mendojë për skuadrën e tij të ardhshme. Në këtë periudhë pauze të futbollit për shkak të emergjencës nga koronavirusi, shumë klube po bëjnë edhe kontaktet e para në merkato, për futbollistë të rëndësishëm që duan t’i afrojnë verën e ardhshme. Roma është një prej tyre dhe verdhekuqtë duan të fitojnë derbin me Lazion për të transferuar në kryeqytetin italian Jack Bonaventuran me parametër zero.
