Mbrojtësi i Kombëtares, Kastriot Dermaku, u shpreh i kënaqur për golin me Shqipërinë, ndërsa për “Supersport” shprehet se këto 3 pikë janë me rëndësi për të ardhmen.
Shënuat golin që i hapi rrugën fitores, por a mund të bënit më mirë në mbrojtje?
Patjetër që po, por gjithsesi ishte ndeshje e vështirë dhe rëndësi ka që luajtëm me zemër dhe arritëm të marrim fitoren.
Duket sikur në momente të caktuara bini në panik?
Panik jo ,por ishim pak euforikë në momente të caktuara dhe humbnim përqendrimin, gjë që duhet ta korrigjojmë, pasi mund të na penalizojë. Ishte një ëndërr për mua, jo vetëm që shënova, por edhe që fituam, ndaj isha shumë i gëzuar.