Listës së kandidatëve për të marrë drejtimin e Juventusit, pas largimit të Allegrit, i hiqet një emër i njohur. Didier Deschamps, kampion botë në krye të Francës, ka hedhur poshtë mundësinë që ai të kthehet te bardhezinjtë. Për të, në këto momente ka rëndësi vetëm përfaqësuesja e “Gjelave”.
Ish-mesfushori dhe trajneri bardhezi, në konferencën për shtyp të organizuar për të bërë publike listën e Francës për ndeshjet e qershorit, e bëri të qartë qëndrimin e tij.
“Situata është fare e thjeshtë. Të gjitha energjitë dhe përqendrimi im janë të fokusuar në kualifikimin e Francës në Europian. Për mua është gjithçka e qartë, edhe pse gjithmonë të jep kënaqësi fakti që përmendesh si kandidat për stolin e klubeve të mëdha, si Juventusi. E ardhmja ime është e lidhur vetëm me Francën.”
