Connect with us

Hi, what are you looking for?

Futboll

Deschamps, kërkesë Galtier: Mbappe duhet të pushojë para Kupës së Botës!

Trajneri i Francës, Didier Deschamps, i ka bërë thirrje trajnerit të Paris Saint-Germain, Christophe Galtier që t’i japë pak pushim sulmuesit Kylian Mbape.

Trajneri i Francës ka folur për Mbappe-n përpara ndeshjes së skuadrës së tij në Nations League kundër Danimarkës të dielën (sot) dhe i ka bërë thirrje PSG-së që ta lërë më pak minuta në fushë francezin.

Mbappe kishte bërë 10 paraqitje në të gjitha garat për PSG-në deri më tani këtë sezon përpara se të bashkohej me skuadrën e Francës.

“Unë e di se ai (Galtier) ende dëshiron të luajë Kylian. Por herë pas here, duhet të jetë në gjendje të marrë pak frymë, të ketë disa minuta pushim, nuk do ta dëmtojë atë, përkundrazi”-tha Deschamps.

Mbappe është një figurë kyçe për Francën dhe pritet të jetë vendimtar për shpresat e “Les Bleus” për sukses në Kupën e Botës. Deschamps dëshiron që sulmuesi i tij të jetë në formë të mirë për kompeticionin në Katar, por e di se klubet përballen me një program të ngjeshur ndeshjesh përpara se turneu të fillojë në nëntor. PSG do të luajë 11 herë përpara se Ligue 1 të pushojë për Kupën e Botës.

Mbappe ka shënuar 28 gola për kombëtaren e Francës që nga debutimi i tij më 25 mars 2017 kundër Luksemburgut.

Lajme të tjera

Bundesliga

Zinedine Zidane është një hap larg stolit të Bayern Munich. Nga Spanja lajmin e bën të ditur Mundo Deportivo, që e jep të kryer...

La Liga

Real Madrid është futur në garë për shërbimet e Bernardo Silvës. Manchester City ka përcaktuar një klauzolë prej 50 milionë paundësh mbi portugezin, megjithëse...

Serie A

Me Stefano Piolin që ka mbyllur tashmë eksperiencën e tij në pankinën e Milanit dhe pret vetëm fundin e sezonit për t’u larguar, kuqezinjtë...

Featured

Simone Inzaghi, trajneri i Inter-it që sapo fitoi titullin kampion të Italisë deklaroi për mediet pas triumfit 1-2 në derbin ndaj Milan-it se pasioni...