Futboll

Dëshira nuk mjafton, Shqipëria U-19 “thyhet” në fund nga Ukraina

Humbje minimale për Shqipërinë e 19-vjeçarëve në sfidën debutuese të kualifikueseve të kampionatit europian. Në Niko Dovana kuqezinjtë e vegjël u mposhtën nga Ukraina. Një gol 5 minuta para fundit të kohës së rregullt i Mudryk i ardhur në fushë nga stoli ndëshkoi skuadrën e Erjon Bogdanit që pas ndeshjeve të para në grupe pozicionohet në vendin e fundit të grupit 8, me asnjë pikë po sa edhe Norvegjia që ka golevarazh më të mirë. Në Niko Dovana Shqipëria U-19 bëri një pjesë të parë shumë të mirë, por nuk arriti të gjente dot golin. Në fraksionin e dytë rastet e pastra munguan deri në minutën e 85-të kur miqtë shfrytëzuan një kundërsulm të shpejtë duke realizuar golin që zhbllokoi shifrat. Reagimi i kuqezinjëve 19-vjeçarë nuk mungoi por portieri ukrainas i mohoi golin Laktit ndërsa në vazhdimin e aksionit Koçi nuk u tregua i saktë. Ndeshjen e radhës Shqipëria e Bogdanit do ta ketë ndaj Sllovakisë në datën 13 tetor.

To Top