Aventurës së Malcom te Barcelona pritet t’i vijë fundi shumë shpejtë. I transferuar verën e kaluar nga Bordeaux drejt katalanasve, braziliani asnjëherë nuk arriti të ishte në lartësinë e duhur në “Camp Nou” ndaj dhe largimi i tij tashmë duket si një punë e kryer. Malcom u cilësua verën e kaluar si një goditje e madhe e katalanasve, të cilët në finish ia “rrëmbyen” 22-vjeçarin Romës, e cila kishte akordin me klubin francez dhe vet lojtarin. Por braziliani duket se nuk bindi asnjëherë dhe për këtë drejtuesit mendojnë ta shesin. Skuadra e re pritet të jetë Zenit Shën Petersburg, që është takuar me agjentin e tij për të arritur një marrëveshje. Për kartonin e lojtarit Barcelona kërkon rreth 45 milionë euro, ndërsa oferta e Zenit është ndalur në kuotën e 35 milionë eurove plus bonuset.