Pas një viti eksperiencë, Alessandro Nesta nuk do të jetë më trajneri i Perugias. Vendimi është marrë nga drejtuesit e klubit, të cilët në një komunikatë, falënderuan ish mbrojtësin italian për impenjimin në këtë eksperiencë dhe njoftuan ndërprerjen e bashkëpunimit.
Alessandro Nesta u ul në stolin e Perugias në 11 maj të vitit të kaluar, ndërsa synimi ishte që të arrinte të ngjiste klubin në Serinë A, mision të cilit i shkoi pranë, duke shkuar deri në Play Off, ku u eliminua nga Verona.