Romelu Lukaku ka sakrifikuar për t’u rikthyer tek Interi. Sulmuesi belg zhvilloi dy sezone super në Serie, fitoi titullin kampion me zikaltrit vitin e kaluar, por në fund vendosi të rikthehet te Chelsea.
Edhe pse për shërbimet e tij u shpenzuan 113 milionë euro, 29-vjeçari nuk la gjurmë tek ekipi i Thomas Tuchel. Tani është gjithçka gati për rikthimin tek Interi, që do të paguajë 10 milionë euro për huazimin 2-vjeçar të sulmuesit.
Belgu përfiton 29 milionë euro bruto në Premier League, me pagën sezonale neto që i shkon në 15 milionë euro me bonuse. Nënkampionët e Italisë nuk kanë mundësi t’i sigurojnë një pagë të tillë.
Për të luajtur sërish në “San Siro”, Lukaku do të përfitojë 9 milionë euro në sezon pagë neto, që në total i bie 11 milionë euro, duke përfituar nga “Dekreti i Rritjes” që është përfshirë në vendin fqinj.