Vdekja e Gianluca Viallit ka pikëlluar shumë zemra. Ish-sulmuesi italian, lumturoi njerëz me gola dhe frymëzoi plot të tjerë që vuajnë me betejën e gjatë që zhvilloi ndaj sëmundjes së keqe.
Gjithmonë pozitiv dhe i buzëqeshur, por fundi ishte i trishtë dhe erdhi shpejt, në moshën 58-vjeçare. Bashkëshortja Cathryn White-Cooper po e vuan më shumë se të gjithë largimin e dashurisë së jetës.
Të flasë e ka të vështirë, por gjithsesi ka dërguar një mesazh të shkurtër në GDS, aty ku nuk mungon një falënderim për të gjithë ata që e kanë mbështetur gjatë kësaj periudhe.
“Ai ishte një sportist shumë i talentuar, mbi të gjitha burri dhe babai më i dashur që ekzistonte. Jemi të shkatërruar! Faleminderit për gjithë dashurinë dhe mbështetjen tuaj të sinqertë”.
Gianluca dhe Cathryn (modele angleze me origjinë nga Afrika e Jugut) u njohën në Londër gjatë periudhës që sulmuesi aktivizohej me Chelsea. Raportin e tyre e kurorëzuan me martesë (2003) nga e cila erdhën në jetë dy vajza: Olivia dhe Sofia.
20060723-PORTO CERVO (SASSARI) – GRAN GALA’ PER IL CONCERTO DI GIANNA NANNINI – Gianluca Vialli con la moglie Catherine Withe Cooper alla cena di gala per il concerto di Gianna Nannini organizzata nell’ hotel Cala di Volpe. DAVIDE CAGLIO/ANSA
