Frank Lampard ka marrë një lajm të keq nga infermieria. Pak ditë përpara fillimit të sezonit të ri në Premier League, Evertoni ka humbur shërbimet e Dominic Calvert-Lewin.
Sulmuesi kryesor i skuadrës nga Liverpuli ka dëmtuar gjurin. Kontrollet mjekësore kanë konfirmuar problemet në ligamentin anësor dhe qendërsulmuesit do i duhet të mungojë për 3 muaj.
25-vjeçari, i cili numëron 11 ndeshje dhe 4 gola me kombëtaren angleze, është pjesë e Evertonit prej vitit 2016 dhe deri tani ka shënuar 45 gola në Premier League me këtë skuadër.
Dhimbje koke për teknikun Lampard. Trajneri humbi edhe shërbimet e brazilianit Richarlison, i cili u shit te Tottenhami. Evertoni luan takimin e parë të sezonit 2022/2023 në shtëpi përballë Chelsea (6 gusht).
TESTONI NJOHURITË TUAJA RRETH PREMIER LEAGUE
QUIZ/ Premier League 2021-2022 – Sa mirë e kujtoni sezonin që sapo u mbyll?